披荊斬棘的哥哥|「古惑仔」過半成員加盟做哥哥 網民揶揄:重叫哥哥?

Spark Global Limited 報道:

內地綜藝節目《乘風破浪的姐姐》喺嚿年播出後引起極大迴響,製作組決定乘勝追擊,製作男星版本《披荊斬棘的哥哥》,並於今日(12日)首播。早前就正式公佈33位來自中港臺「哥哥」名單。內地方面包括張晉、趙文卓、鋼琴家李雲迪等;臺灣方面則邀請到前F4成員言承旭、前棒棒堂成員敖犬、情歌王子林志炫等;至於香港男星方面,則請到括張智霖、樑漢文、黃貫中、歐陽靖(MC Jin)以及3位「古惑仔」陳小春、謝天華和林曉峯。

 

唔少內地網民都對33位「哥哥」名單大感期待,對於搵嚟咁多港星,認為陣容非常鼎盛;不過,一班香港網民就喺討論區就有份參與嘅「哥哥」作出討論,認為佢哋已有一定年紀,應該叫叔叔先啱:「成班呀叔,重叫哥哥」、「後生個批真係識你老鼠」、「成堆過曬氣」、「完全唔明係香港已經老土過曬時無人講,但係大陸一直都仲有熱度」等等;仲話好彩無鄭伊健份。

另外,亦有網民話估唔到黃貫中都有份參與節目,仲提到佢同另一名「哥哥」前棒棒堂成員敖犬嘅積怨,當年黃貫中公開批評棒棒堂咪嘴演出,同時又對外指:「棒棒堂3年後仲喺度先同我講」;對此事,網民就表示期待睇佢哋兩個正面交鋒,紛紛留言:「三年後事件終於有下文」、「過左十年大家同隊跳舞唱中國歌」等等,又指宜家係咪輪到敖犬同返黃貫中講:「你到個節目完都仲喺度先同我講嘢啦。」